O portal dos elfos

Os elfos popularizáronse en Occidente a partir das descricións que deles fixo Tolkien nas súas obras. Porén, nos mitos e nas lendas doutras culturas estiveron presentes desde moito antes. Herbie Brennan é un verdadeiro experto no tema, polo que as súas descricións son riquísimas. Na narración, o autor condúcenos entre a realidade e a fantasía dunha forma moi natural. Non hai ilustracións salvo nas cubertas, polo que a imaxinación do lector voará libremente para reconstruír a historia. O portal dos elfos é a primeira parte dunha triloxía, de modo que o final queda aberto a novas aventuras dos personaxes.